Арнайы әзірленген бағдарлама таныстырылды.
Сәуірдің 28 күні Қазақстанның Премьер-Министрінің орынбасары Ералы Тоғжанов «Халықтың табысын арттыру» бағдарламасымен таныстырды, деп хабарлайды Almaty-akshamy.kz.
Аталмыш бағдарламаның үлкен бағыттарының біріне жастарға арналған жобалар жатады. Ералы Тоғжановтың айтуынша, жұмыс істеймін деген жастарға көптеген мүмкіндіктер берілетін болады.
«160 мың жасты "Алғашқы жұмыс орны" атты жоба аясында 400 АЕК көлеміндегі грантпен қамтамасыз ету көзделіп отыр. Жұмыс істеймін деген жастарға үлкен мүмкіндік болатынына сенімдімін. Осы бағытта бірігіп жұмыс істейтін боламыз», - деді Қазақстанның Премьер-Министрінің орынбасары Ералы Тоғжанов Орталық коммуникациялар қызметінде өткен баспасөз конференциясы барысында.