Себебі 90 жобаны іске қосу жоспарланып отыр.
Биыл Қазақстан Үкіметі жалпы құны 1,4 трлн теңгені құрайтын 90 жобаны іске қосуды жоспарлап отыр. Республика өңірлерінде ашылатын өндіріс ошақтарында 10,8 мың тұрақты жұмыс орны ашылады, деп хабарлайды Almaty-akshamy.kz.
«Жобалардың басым бөлігі Ақмола облысы, Қостанай облысы, Жамбыл облысы, сондай-ақ Шымкент және Нұр-Сұлтан қалаларында іске қосылмақ», - делінген Индустрия және инфрақұрылымдық даму министрлігінің баспасөз қызметінің хабарламасында.
Мамандардың айтуынша, мынадай салаларда іске асыру жоспарланған:
- тамақ өнеркәсібі – 20 жоба;
- құрылыс индустриясы – 13 жоба;
- химия өнеркәсібі - 7 жоба;
- металлургия - 11 жоба;
- мұнай өңдеу - 5 жоба;
- фармацевтика - 5 жоба;
- машина жасау - 15 жоба;
- жеңіл өнеркәсіп - 7 жоба;
- ағаш өңдеу - 4 жоба;
- басқа салалар - 3 жоба.