БҰҰ Даму бағдарламасының деректеріне сәйкес, 2024 жылы әлемде Адам даму индексі (АДИ) рекордтық деңгейге жетті, - деп хабарлайды Aqshamnews.kz.
Ranking.kz мәліметіне сай, 2023 жылғы деректер бойынша Қазақстан 193 ел арасынан 60-орынды иеленіп, индексі 0,837 болды.
Бұл көрсеткіш ТМД мен Орталық Азия елдері арасында ең жоғары. Мысалы, Ресейде АДИ - 0,832, Беларусьте - 0,811. Орталық Азия елдері рейтингте төменірек: Түркменстан - 95-орында, Өзбекстан - 107-орында, Қырғызстан - 117-орында, Тәжікстан - 128-орында.
АДИ өмір ұзақтығы, білім деңгейі, гендерлік теңдік және ұлттық табыс сияқты көрсеткіштерді қамтиды. Қазақстандықтар әлемдік ортадан жоғары өмір ұзақтығына ие, гендерлік теңсіздік аз, ал ұлттық табыс деңгейі жоғары.
Қазақстан осылайша ТМД елдері арасында адам дамуы көрсеткіші бойынша көш бастап тұр.
Сурет: Ranking.kz