Жаңаларын сатып алу жоспарда жоқ, ал бұрынғы вагондар пайдалану мерзімі аяқталғанға дейін қолданыста болады, деп хабарлайды aqshamnews.kz
Бұл туралы ОКҚ брифингінде Көлік министрлігіне қарасты Теміржол және су көлігі комитетінің төрағасы Жанибек Тайжанов мәлімдеді.
Тайжановтың айтуынша, қазіргі уақытта 14 бағытта "Тальго" типіндегі 14 пойыз жүріп жатыр — барлығы шамамен 732 вагон. 2023 жылдан бастап Қазақстанда бұл вагондардың өндірісі тоқтатылған.
"Тальго" вагондары шығарылған зауыт сатылып, енді Stadler вагондарын өндіріліп жатыр. "Тальго" вагондарын жаңадан сатып алу жоспарланбаған, қолданыстағы құрамдар пайдалану мерзімі аяқталғанға дейін қызмет етеді", – деді комитет төрағасы.
Тайжановтың айтуынша, қазіргі уақытта отандық өндірістегі вагондарды сатып алуға басымдық берілген. Бүгінде Қазақстанда екі зауыт – ЗИГ-100 және Stadler Kazakhstan жұмыс істейді, олар жаңа пойыз құрамдарын шығарып жатыр.