Депутаттар Қазақстан мен Перу арасындағы сотталғандарды өз азаматтығы бар елге жазасын өтеуге беру және қылмыстық істер бойынша ынтымақтастық туралы шартты ратификациялауды құптады, деп хабарлайды Aqshamnews.kz тілшісі Tengrinews.kz-ке сілтеме жасап.
Құжатқа сәйкес, екі ел:
-
сотталғандарды өз елінде жазасын өтеу үшін өзара алмастырады;
-
қылмыстық істер бойынша өзара құқықтық көмек көрсетеді (ақпарат алмасу, тергеуге жәрдемдесу).
Депутат Снежана Имашева бұл келісім қылмыспен күрестегі өзара іс-қимылды тиімдірек етіп, "сотталғандардың өз азаматтығы бар қоғамда қайта әлеуметтенуіне ықпал етеді" деді.
Айта кетейік, Қазақстан мен Перу арасындағы келісім 2024 жылдың қазанында жасалған. Сол кезде Бас прокуратура кейінгі уақытта заң бұзған кейбір қазақстандықтардың Латын Америкасы елдеріне жасырынуға тырысатынын мәлімдеген. Бұған ұқсас келісім Бразилиямен бекітілген, сондай-ақ Аргентина және Доминикан Республикасымен де осындай құжаттар жасау жоспарланған болатын.