Қытайдың Лучжоу қаласында өткен аралас жекпе-жек өнерінен (ММА) Азия чемпионатында Қазақстан құрамасы 4 алтын, 3 күміс, 8 қола жеңіп алып, құрлықтағы үздік үштіктің қатарына кірді, деп хабарлайды Aqshamnews.kz тілшісі.
9–11 қаңтар аралығында Лучжоуда AMMA (Asian Mixed Martial Arts Association) ұйымының қолдауымен ММА-дан III Азия чемпионаты өтті. Байрақты бәсекеде Қазақстан атынан жас әрі перспективалы спортшылардан жасақталған ұлттық құрама өнер көрсетті.
Делегацияны ҚР ҰОК вице-президенті, ҚР ММА ұлттық федерациясының құрметті президенті Гаджи Гаджиев және ҚР ММА ұлттық федерациясының президенті Сағындық Мекеев бастап барды.
Алтын медаль:
-
Қаирғали Әділбек (77 кг, модерн)
-
Қуатов Еламан (120 кг, традишен)
-
Шакирбеков Абылай (96 кг, традишен)
-
Шынбаев Қадірбек (71 кг, модерн)
Күміс медаль:
-
Ермағамбетова Жансая (69 кг, традишен)
-
Сағатбек Нұрқанат (85 кг, традишен)
-
Айтжан Мейіржан (56,7 кг, традишен)
Қола медаль:
-
Әкімбек Әделя (60 кг, традишен)
-
Жақан Аружан (54 кг, модерн)
-
Уәлиева Аружан (54 кг, традишен)
-
Жұмағазиева Айнұр (49 кг, традишен)
-
Сражатов Марат (60 кг, традишен)
-
Бүркұталин Еркінғали (77 кг, традишен)
-
Колесников Владимир (60 кг, традишен)
-
Әли Мұсакулов (96 кг, модерн)
III Азия чемпионаты AMMA 2026 жылғы Азия ойындарына (Айти–Нагоя, Жапония) және AIMAG-2026 (28 қараша – 7 желтоқсан, Эр-Рияд, Сауд Арабиясы) іріктеудің алғашқы кезеңі саналады. Іріктеудің екінші кезеңі мамыр айына жоспарланған.
Сондай-ақ чемпионат аясында Гаджи Гаджиев AMMA президенті Гордон Тангпен ресми кездесіп, ММА-ны Азияда және халықаралық деңгейде дамыту, ынтымақтастық перспективаларын талқылағаны хабарланды.
