Ауа райының қолайсыздығынан жолда қалған азаматтар Сарыбел, Екібастұз, Ерейментау, Курорт-Бурабай, Макинка, Ельтай және Ақкөл станцияларынан Астана мен Қарағандыға пойыз арқылы жеткізілді.
"Қазақстан темір жолы" компаниясының баспасөз қызметі хабарлағандай, қалың қар мен жолдардың жабылуына байланысты пойыздар ең сенімді әрі қауіпсіз көлік түріне айналды.
Ұлттық тасымалдаушы жолаушылардың қауіпсіздігін қамтамасыз ету жұмысын жалғастырып, азаматтарды аса қажеттіліксіз ұзақ сапарларға шықпауға үндейді.