Астанада Digital Bridge 2022 халықаралық технологиялық форумының пленарлық отырысында Мемлекет басшысы осылай деді.
Елімізде төртінші рет өтіп жатқан форумның тақырыбы – «Орталық Еуразия жаңа технологиялық платформа ретінде қалыптасуда», деп хабарлайды Almaty-akshamy.kz
Жиынға Мемлекет басшысы Қасым-Жомарт Тоқаев төрағалық етті.
«Сарапшылардың болжамы бойынша, он жылдан кейін әлемдегі өнімдер мен қызметтердің 70 пайызы цифрлық платформалық модельдерге негізделеді. Осындай жағдайда Қазақстан өз алдына еуразиялық кеңістіктегі ең ірі цифрлық хабтардың біріне айналу стратегиялық міндетін қойды. Бұл үшін берік негіз бар. Бүгінде Қазақстан көптеген дамыған елден озып, БҰҰ-ның цифрланған мемлекеттер рейтингінде үздік отыз елдің қатарына кіреді. Қазақстан цифрландырудың дамыту векторын мазмұндық жағынан да, институционалдық тұрғысынан да нақты айқындағанын атап өткен жөн», - деді Мемлекет басшысы жиын барысында сөйлеген сөзінде.
Айта кету керек, еліміздің IT саласындағы ең ірі іс-шара осымен төртінші рет өтіп жатыр.
Форумға халықаралық IT-қоғамдастықтың көшбасшылары, технологиялар саласындағы отандық және шетелдік сарапшылар, цифрлық әзірлемелер саласындағы кәсіпқойлар, IT-компаниялар мен стартаптар, венчурлық инвесторлар, мемлекеттік органдар қатысады.