Lonely Planet Қазақстанды 2025 жылғы сапарлар үшін ең үздік елдер қатарына қосты
Lonely Planet сарапшылары жыл сайынғы Best in Travel 2025 рейтингінде Қазақстанды үздік бағыттардың бірі ретінде атады, деп хабарлайды aqshamnews.kz
Бұл тізімді жасау үшін сарапшылар саяхатшылардың, қызметкерлердің, авторлардың және басқа да туризм саласындағы мамандардың ұсыныстарын мұқият талдайды.
2025 жылы таңдау Қазақстанға түсті. Өзінің бай тарихымен, түрлі ландшафттарымен және ерекше мәдени мұрасымен Қазақстан басқа елдер арасынан ерекшеленеді.
Әлемге танымал саяхат журналдары Қазақстанның туризм әлеуетін жоғары бағалауда.
Еске сала кетсек, Conde Nast Traveler және Wanderlust журналдары Қазақстанды 2024 жылы саяхат үшін ең үздік әлемдік бағыттар қатарына қосты.
Сонымен қатар, Алматы қаласы The New York Times басылымының нұсқасы бойынша үздік 52 туристік бағыттың қатарына енген.