Қаржылық мониторинг агенттігі бюджет қаражатының жұмсалу заңдылығын тексеріп жатыр.
Қаржылық мониторинг агенттігінің Алматы қаласы бойынша департаменті сотқа дейінгі тергеу аясында «Қазақстан барысы» қазақ күресінен турнир өткізуге бөлінген 1,075 млрд теңге бюджет қаражатының жұмсалу заңдылығын тексеріп жатыр. Бұл туралы агенттіктің баспасөз қызметінің мәліметіне сүйене отырып Almaty-akshamy.kz хабарлайды.
«Басшылардан, мердігер өкілдерінен жауап алу, тінту және құжаттарды алуды қамтитын тергеу әрекеттері жүргізілуде. Тергеу мүддесін көздейтін басқа ақпарат жария етуге жатпайды», – делінген агенттік хабарламасында.