Қазақстандық жас ғалым Меруерт Бижанова әлемнің ең үздік жоғары оқу орындарының бірі саналатын — Ұлыбританиядағы Оксфорд университетінің докторантура бағдарламасына қабылданды, деп хабарлайды aqshamnews.kz
2025 жылғы халықаралық университеттер рейтингінде Оксфорд әлемдік ТОП-1 орынды иеленіп отыр. Ғылым мен білімнің алтын ордасына айналған бұл оқу ордасы — әйгілі Стивен Хокинг білім алған, Нобель сыйлығының лауреаттары, әлемдік деңгейдегі саясаткерлер мен ойшылдар түлеп ұшқан беделді мекеме.
— Білім алуды ғылым мен идеялар тоғысқан ортада жалғастырамын. Бұл — үлкен мүмкіндік әрі зор жауапкершілік. Оксфордта оқу — мен үшін арман ғана емес, ел алдындағы міндетім деп білемін, — дейді Меруерт.
Меруерт Бижанова — өз саласында терең білім мен тәжірибе жинақтап, ғылыми зерттеулерге белсене араласып жүрген жас маман. Оның халықаралық деңгейдегі білім ордасына түсуі — қазақстандық жастардың әлеуеті зор екенін тағы бір дәлелдейтін қуанышты жаңалық.
Бұл жетістік өз білім жолын енді бастаған жас ұрпаққа жігер беріп, әлемдік аренада қазақстандық ғылым мен білімнің биікке көтерілуіне серпін болмақ.