Халықаралық каратэ федерациясы (WKF) жаңартылған рейтинг кестесін жариялады, және қазақстандық Мөлдір Жаңбырбай 50 келіге дейінгі салмақта көш басына шықты, деп хабарлайды aqshamnews.kz
Мөлдір Жаңбырбай жақында Парижде өткен халықаралық рейтингтік Каратэ1 Премьер Лигасында қола медаль иеленген болатын. Бұл тамаша нәтиже оның әлемдік рейтингте бірінші орынға көтерілуіне мүмкіндік берді.
Қазіргі рейтинг бойынша:
- Мөлдір Жаңбырбай (Қазақстан) – 5490 ұпай
- Иоргелис Салазар (Венесуэла) – 5350 ұпай
- Эма Сгарделли (Хорватия) – 3312 ұпай
Айта кетейік, Мөлдір Жаңбырбай 2023 жылы каратеден әлем чемпионы атанған тұңғыш қазақ қызы. Сонымен қатар, ол 2021 жылғы Азия чемпионатында алтын медаль, 2023 жылғы Азия чемпионатында күміс медаль жеңіп алған. Ханчжоудағы Азия ойындарында да екінші орынды иеленген болатын.
Мөлдірдің бұл жетістіктері тек спорттық ғана емес, қазақ спортшыларының халықаралық аренада табысты болатынын көрсететін үлкен үлгі.