Бұл бренд әйелдер мен ерлерге арналған, бауырлас ел қазақ пен түрік өмір салтынан шабыт алынған бренд.
Орал қаласының тумасы Нелли Исмагулқызының жеке бренді – «Nellys.Vintage» – түрік қауымының сүйікті брендтерінің біріне айналып үлгерді, - деп хабарлайды Aqshamnews.kz.
Түркияға көшпес бұрын Л.Н.Гумилев атындағы Еуразия ұлттық университетін тәмамдаған Нелли магистрлік диссертациясын Ұлыбританиядағы Essex университетінің құқық факультетінде қорғаған. Қазіргі таңда Анкарада cән саласын дамытып, дизайнерлік қауымдастықпен белсенді жұмыс істеп жүрген жерлесіміз қазақ мәдениеті мен өнерін де шығармашылық жұмыстарына енгізуді ұмытпайды.
«Nellys.Vintage» бренді 3 жыл ішінде Каппадокия мен Анкарада коллекцияларын таныстырып, Түркияның танымал тұлғаларының сүйікті киімдеріне айналды.
2025 жылғы 5 қыркүйекте бренд «Қыс-Күз 2025/2026» жаңа топтамасын таныстырды. Іс-шараға 150-ден астам қонақ қатысты.