Мемлекет басшысының Жұмысшы мамандықтары жылы туралы бастамасы және Үкімет бекіткен іс-шаралар жоспары шеңберінде Павлодар облысында жұмысшы мамандықтары белсенді дамып келеді, деп хабарлайды aqshamnews.kz
«Қауіпсіздік техникасы мен еңбекті қорғау – маңызы зор мамандық. Себебі, ұжымдағы әрбір жұмысшының өмірі мен денсаулығы бәрінен де биік тұрағандықтан, біз ережелердің қатаң сақталуын қадағалаймыз. Биыл Президентіміздің бастамасымен Жұмысшы мамандықтары жылы деп жарияланды, осыған орай қарапайым еңбек адамының мемлекетіміз бен қоғамда лайықты дәріптелетініне сенеміз», — деді Павлодар қаласы «Нефтехим компаниясы LTD» ЖШС қауіпсіздік техникасы және еңбекті қорғау жөніндегі инженері Ердәулет Әбдірайымов.