«Жауынгерлік дайындық маманы күніне» орайластырылған салтанатты іс-шараға Қорғаныс министрінің бірінші орынбасары – Қазақстан Республикасы Қарулы күштері Бас штабының бастығы генерал-лейтенант Сұлтан Қамалетдинов қатысты.
Қорғаныс министрінің бірінші орынбасары жауынгерлік дайындық әскери қызметшілерді оқытудың ажырамас бөлігі екенін атап өтті, деп хабарлайды aqshamnews.kz Қорғаныс министрлігіне сілтеме жасап.
Жауынгерлік даярлық мамандарының күнделікті қажырлы еңбегі Қазақстан әскерінің қорғаныс қабілетінің негізін құрайды.
– Сіздердің еңбектеріңіздің арқасында біздің бөлімшелер әрқашан жауынгерлік дайындықта болады, – деді генерал-лейтенант Сұлтан Қамалетдинов. – Офицерлер мен сарбаздардың білімі мен дағдыларын жетілдіруге көмектесіп келесіздер.
Қазақстан Республикасы Қорғаныс министрі генерал-полковник Руслан Жақсылықовтың бұйрығымен 6 әскери қызметші «Ел қорғаны» медалімен, 5 әскери қызметші «Қазақстан Республикасы Қарулы күштерінің үздігі» төсбелгісімен марапатталды. Бағалы сыйлықпен (қол сағаттарымен) 30 әскери қызметші, грамоталармен 27 әскери қызметші марапатталып, 15 әскери қызметшіге алғыс жарияланды.
Қорғаныс министрінің бірінші орынбасары – Қазақстан Республикасы Қарулы күштері Бас штабы бастығының бұйрығымен 29 әскери қызметші грамоталармен марапатталды, 15 әскери қызметшіге алғыс жарияланды.