Жаныңда жүр жақсы адам
Жақында Астанада тұрғын үй кешеніндегі пәтерлердің бірінде өрт шыққанын есіңізде ме?
Өрт ішінде 15 жастағы қыз қалып қойған еді, оған батыл жігіт көмекке келді. Ол балконнан өртеніп жатқан пәтерге кіріп, жылап тұрған жасөспірімді тауып, оны өрт сөндірушілерге тапсырып, алғыс күтіп тұрмай, өз шаруасымен кете барды.
Араға уақыт салып белгісіз батыр табылды. Оның есімі Алтынбек Алтаев екен. Биыл желтоқсанда 40 жасқа толады, осы кешеннің № 4 подъезінде тұрады және таксист болып жұмыс істейді. Алтынбек көмекке шақырған және айғайлаған дауыстарды естіп, түтінді көріп, бірден әрекет еткен. Кей-кейде арамызда жүрген осындай ел арасында көрінбей жүрген "батырларды" байқамай қаламыз. Еңбегін елемей жатамыз. Ендеше ерлігін бұлдамайтын, жақсылық жасауға жаны құмар Алтынбектей жандар көп болсын!