Қарағанды облысында фармацевтикалық зауыт салынады, – деп хабарлайды aqshamnews.kz тілшісі.
Үкімет Қарағанды облысында фармацевтикалық зауыт салу жобасын мақұлдады. Тиісті қаулыға Премьер-министр Олжас Бектенов қол қойды.
Жеке инвестициялардың жалпы көлемі – 42,5 млрд теңге. Жоба аясында дәрілік заттардың 74 атауын өндіру жоспарланып отыр. Өндірістік желі медицинаның маңызды бағыттарын, оның ішінде, онкологиялық, аутоиммунды және орфандық ауруларды емдеуге арналған инновациялық дәрілік препараттарды қамтиды. 
Қарағандыда 70-ке жуық жаңа жұмыс орны ашылады.