Алматы гарнизоны Әскери соты әскери Қылмыстық кодекстің 451 бабы 2 бөлігі бойынша (билікті асыра пайдалану) айыпталған әскери қызметкер Данияр Егембаевты 7 жылға соттады.
Ол Қаңтар оқиғасы кезінде Сейітқұловтар отбасының өліміне кінәлі деп танылған, деп хабарлайды Almaty-akshamy.kz.
Сейітқұловтар отбасы Талдықорғанда 2022 жылдың 8 қаңтарында атылған оқтан қаза тапқан. Әскерилер Нұрболат Сейітқұлов, оның жары Алтынай Етаева мен 15 жастағы қызы Нұрай мінген көлікке оқ жаудырған. Үшеуі оқиға орнында көз жұмған. Данияр Егембаев Нұрболат пен қызының өліміне қатысты күдікті деп танылған. Алтынай Етаеваның өліміне байланысты іс жеке өндіріске шығарылған.