Қаңтар трагедиясында ең көп адам қазасы Алматы қаласында тіркелген.
ҚР Бас прокуроры Берік Асылов Мәжілістің жалпы отырысында қаңтар оқиғасы кезінде 230 адамның қаза болғаны туралы деректі айтты, деп хабарлайды Almaty-akshamy.kz Almaty.tv-ға сілтеме жасап.
«Қазақстан бойынша 230 адам қаза болды. Оның ішінде 19 әскери және күштік құрылымдар қызметкері бар. Қаза болғандардың ең көбі Алматы қаласында болған, олардың саны – 139 адам. Бүгінгі таңда әкімшілік ғимараттардың шабуылына тойтарыс беру кезінде және құқық тәртібін жүргізу барысында 86 шабуылдаушының көзі жойылғаны анықталды», - деді Берік Асылов.