Ағзаға D дәрумені жетпегенде көңіл-күй құбылмалы болады
Көңіл-күйдің бұзылуы мен күйзеліс серотонин, дофамин және эндорфин сияқты бақытқа бөлейтін гормондардың жетіспеуінен пайда болуы мүмкін. Бұл туралы дәрігер-диетолог Елена Соломатина айтты, деп хабарлайды Almaty-akshamy.kz РЕН ТВ сайтына сілтеме жасап.
Дәрігер оларды тек серуендеу немесе спорттан ғана емес, сондай-ақ, тамақтан да алуға болатынына назар аударды.
Соломатинаның айтуынша, ағзаға антидепрессант ретінде қызмет ететін D дәрумені жетіспей жатуы мүмкін екен. Мұндай жағдайда тамақ рационына балық майын немесе балық бүйрегін қосу керек.
«Бізге тағы құрамында магнийі бар өнімдер: шемішке, жаңғақ, жасыл жапырақты көкөністер қажет. Сонымен қатар, B тобындағы азық-түліктер - бүтін дәнді өнімдер де қажет. Бұл компоненттер болмаса, көңілсіз күй кешуіміз мүмкін», - деп атап өтті диетолог.
Көңіл-күйді көтеретін басқа азық-түліктер қатарына ол сұлы жармасын, қызанақ және күркетауық етін жатқызды.