Қаланың көлік инфрақұрылымына 75,5 млрд. теңге беріледі.
Ағымдағы жылы Саин көшесін Рысқұлов даңғылынан Мөңке би көшесіне дейін тесу аяқталады, деп хабарлайды Almaty-akshamy.kz
Бұл жұмыстың жалпы сомасы 2,7 млрд. теңге тұрады.
Сейфуллин көшесі мен Жансүгіров көшесінің қиылысында көлік айрығын салуды жалғастыруға 2 млрд. теңге қарастырылған.
Жол картасы даму бағдарламасын іске асыру шеңберінде жол жүрісін реттеудің, жүрдек автобус желісін салудың (BRT 2-кезең) техникалық құралдарын жаңғыртуға, сондай-ақ білім беру объектілеріне қолжетімділік пен жол қауіпсіздігін қамтамасыз етуге (кірме жолдарды салу) 3 ЖСҚ әзірлеу жоспарланған. Оған 452,6 млн. теңге қарастырылған.
Қалалық автобус тасымалы жағдайын жақсарту үшін қосымша 400 автобусты 40 млрд. теңгеге сатып алу арқылы автобус паркін жаңарту жоспарлануда.