"Қайрат" футболшылары Данияға аттанды. "Копенгаген" – "Қайрат" кездесуі 26 қарашада Астана уақытымен 22:45-те "Паркен" стадионында өтеді, - деп хабарлайды aqshamnews.kz тілшісі 1bol.kz-ке сілтеме жасап.
Алматының "Қайрат" футбол клубының ойыншылары УЕФА Чемпиондар лигасының келесі матчі үшін Данияға жол тартты.
Команданың әуежайға келген сәтінен түсірілген видеоны клубтың баспасөз қызметі жариялады. Чемпиондар Лигасының 5-тур аясындағы "Копенгаген" – "Қайрат" кездесуі 26 қараша күні, Астана уақытымен 22:45-те "Паркен" стадионында өтеді.
Турнирдің бұл кезеңінде екі команда да әлі жеңіс тойлаған жоқ. Екі клубтың да жинағаны – 1 ұпай. Турнирлік кестеде "Копенгаген" 33-орында болса, "Қайрат" 34-орында тұр.
Клубтың Чемпиондар лигасындағы қалған матчтері:
- 26 қараша: "Копенгаген" – "Қайрат" (22:45)
- 9 желтоқсан: "Қайрат" – "Олимпиакос" (20:30)
- 20 қаңтар: "Қайрат" – "Брюгге" (20:30)
- 29 қаңтар: "Арсенал" – "Қайрат" (01:00)
Жарияланған видеодан команданың барлық көшбасшыының, соның ішінде клубтың басты жұлдызы Дастан Сәтпаевтың сапқа қосылғаны байқалады.
Данияға сапар "Қайрат" үшін оңай болмайды: Алматы мен Копенгагеннің арақашықтығы - 6422 шақырым.
Чемпиондар Лигасының "Копенгаген" – "Қайрат" матчі 26 қарашада, Астана уақытымен 22:45-те басталады.