Президент Қасым-Жомарт Тоқаев ШЫҰ Сыртқы істер министрлерімен киберқауіпсіздік пен тұрақты даму мәселелерін талқылады

Президент Қасым-Жомарт Тоқаев ШЫҰ Сыртқы істер министрлерімен киберқауіпсіздік пен тұрақты даму мәселелерін талқылады Ақорда

Қазақстан Президенті Қасым-Жомарт Тоқаев Шанхай ынтымақтастық ұйымына (ШЫҰ) мүше мемлекеттердің Сыртқы істер министрлерімен кездесу барысында киберқауіпсіздік пен тұрақты даму мәселелерін көтерді, деп хабарлайды аlmaty-akshamy.kz.  Ақорданың баспасөз қызметіне сілтеме жасап.

Кездесу барысында Тоқаев киберқауіптерді ерте анықтау және ШЫҰ елдерінің ақпараттық инфрақұрылымының тұрақты жұмысын қамтамасыз ету тетіктерін әзірлеудің маңыздылығын атап өтті.

«Ауғанстандағы жағдай жіті назар аударуды қажет етеді. Бұл елде гуманитарлық дағдарыстың алдын алу және ұзақмерзімді тұрақтылыққа жағдай жасау үшін күш біріктіру жұмыстарын жалғастырған жөн. Алматыда Орталық Азия мен Ауғанстан үшін орнықты даму мақсаттары жөніндегі БҰҰ-ның өңірлік орталығын құру туралы Қазақстанның бастамасын қолдау – өте өзекті», - деді Тоқаев.

Президент климаттың өзгеруі мәселесіне де айрықша назар аударуды ұсынды. Ол алдын алу шараларын шұғыл қабылдамасақ, бұл мәселе жаһандық табиғат апаттарын асқындыруы мүмкін екенін ескертті. 

«Ауа райының аса құбылмалы болуы әлемдегі басты проблемалардың біріне айналып келеді. Осыған байланысты ШЫҰ табиғат апаттарымен күресу ісіндегі тәсілдерін жаңартуы қажет. Биыл көктемде біздің еліміз климат өзгерістерінің кері әсерін анық сезінді. Осы мүмкіндікті пайдалана отырып, Қазақстандағы алапат су тасқыны кезінде тілеулестік танытып, көмек көрсеткені үшін сіздердің елдеріңізге шынайы алғысымды білдіргім келеді. Біз бұл қолдауды жоғары бағалаймыз», - деді Қасым-Жомарт Тоқаев.

Сонымен қатар, Президент ШЫҰ-ның алдағы Астана саммиті «Көпжақты диалогты нығайту – орнықты бейбітшілік пен дамуға ұмтылу» тақырыбына арналатынын мәлімдеді.

«Шанхай ұйымының негізгі мақсаттарының бірі – аймақтағы бейбітшілікті, қауіпсіздік пен тұрақты дамуды қамтамасыз ету. Мұны аталған күн тәртібі анық көрсетеді. Осы орайда Сыртқы істер министрлері кеңесіне үлкен үміт артылады. Сіздердің жұмыстарыңыздың нәтижесі ШЫҰ-ға мүше мемлекеттер басшылары кеңесінің Астанадағы отырысын табысты өткізуге ықпал ететініне сенімдімін», - деді Қазақстан Президенті.

 

Сіздің реакцияңыз?
Ұнату
0
Ұнамайды
0
Күлкілі
0
Шектен шыққан
0
Соңғы жаңалықтар

17:22

16:43

16:10

16:07

15:43

15:14

14:50

14:14

13:38

13:34

12:45

12:15

11:50

11:10

10:40

10:10

20:05

19:17

18:45

18:10

17:52

17:40

17:26

16:55

16:47