Олар сыбайлас жемқорлық қылмысын жасады деген күдікке ілінген, деп хабарлайды aqshamnews.kz тілшісі.
Желіде желдей ескен ақпаратты Ұлттық қауіпсіздік комитеті растады.
"2026 жылғы 11 қарашада ҚР ҰҚК Сыбайлас жемқорлыққа қарсы іс-қимылқызметі «Самұрық-Қазына» АҚ Басқармасының Төрағасы Н. Жақыпов пен «ҚТЖ» ҰК» АҚ Басқармасының Төрағасы Е. Отыншиевті және сыбайлас жемқорлық қылмыс жасады деген күдікпен басқа да адамдарды ұстады", – делінген Ұлттық қауіпсіздік комитетінің ресми хабарламасында.
Құзырлы органның мәлімдеуінше, істің барлық мән-жайларын анықтауға бағытталған тергеу әрекеттері жүргізілуде.
"Қылмыстық-процестік кодекстің 201-бабына сәйкес сотқа дейінгі тергеп-тексеру барысы туралы өзге ақпарат жария етуге жатпайды", – деп мәлімдеді ҰҚК баспасөз қызметі.
Мемлекет басшысының тапсырмасын орындау және «Заң және тәртіп» қағидатын сақтау аясында сыбайлас жемқорлыққа қарсы күрес жұмыстары жалғасуда.
Айта кетейік, Нұрлан Жақыпов «Самұрық-Қазына» қорын 2023 жылғы сәуірден бері басқарып келеді. Оған дейін Қазақстанның инвестициялық даму қорының (KIDF) басқарушы компаниясын басқарған. Ал одан бұрын Rothschild & Co инвестициялық банкінің Қазақстандағы өкілі болған. Жақыпов «ҚазМұнайГаз» бен Air Astana директорлар кеңесін де басқарады.
Елжас Орыншиев «Қазақстан темір жолы» компаниясын 2026 жылғы шілдеден бері басқарып келеді. Бұған дейін «Самұрық-Қазына» қорының стратегия және активтерді басқару жөніндегі басқарушы директоры қызметін атқарған. Орыншиев Жақыповпен бірге қорға келген жалғыз топ-менеджер болған.