Германия Президенті Бундестагты (федералды парламент) таратып, мерзімінен бұрын сайлау жариялады, деп хабарлайды aqshamnews.kz
Германия Президенті Франк-Вальтер Штайнмайер Бундестагты тарату және мерзімінен бұрын сайлау өткізу туралы шешім қабылдады. Бұл қадам канцлер Олаф Шольцқа сенімсіздік вотумынан кейін жасалды.
27 желтоқсанда Бундестаг ресми түрде таратылып, жаңа сайлау 2025 жылдың 23 ақпанына белгіленді. Президенттің бұл шешімі елдегі саяси тұрақтылықты қамтамасыз ету мақсатында қабылданды.
«Мұндай күрделі кезеңдерде тұрақтылықты қамтамасыз ету үшін әрекетке қабілетті үкімет пен парламентте сенімді көпшілік қажет», — деді Штайнмайер өз шешімін түсіндіріп.
Бұл туралы Президент алғаш рет 20 желтоқсанда, канцлерге сенімсіздік вотумынан кейін жариялаған болатын. Мәселенің мән-жайы DW хабарламасында көрсетілген.
Мұндай оқиға Германияның саяси тарихында сирек орын алатын жағдай болып табылады және елдің саяси құрылымында маңызды өзгерістерге әкелуі мүмкін.