AqshamNews.kz - "Алматы-ақшамы" қоғамдық-саяси газеті AqshamNews.kz - "Алматы-ақшамы" қоғамдық-саяси газеті
  • Басты бет
  • Құрылтай
  • Барлығы
    • Ресми бөлім
    • Спорт
    • Керек кеңес
    • Медицина
    • Білім және ғылым
    • Заң мен тəртіп
    • Оқиға
    • Не? Қайда? Қашан?
    • Эксклюзив
    • Алматы көшелері
    • Жолдау
    • Келешек мектептері
    • Сыбайлас жемқорлыққа қарсы күрес
  • Жаңа Конституция
Қазақ Qazaq قازاق Русский
Қазақ Qazaq قازاق Русский
AqshamNews.kz - "Алматы-ақшамы" қоғамдық-саяси газеті
  • 🏠 Басты бет
  • Құрылтай
  • Барлығы
    • • Ресми бөлім
    • • Спорт
    • • Керек кеңес
    • • Медицина
    • • Білім және ғылым
    • • Заң мен тəртіп
    • • Оқиға
    • • Не? Қайда? Қашан?
    • • Эксклюзив
    • • Алматы көшелері
    • • Жолдау
    • • Келешек мектептері
    • • Сыбайлас жемқорлыққа қарсы күрес
  • Жаңа Конституция
  • 📰 Газет архиві

Біз әлеуметтік желілерде:

💱 Валюта бағамы:

Басты бет / Саясат / Президент: Мемлекет қазынасына қол сұғу – елге жас...

Президент: Мемлекет қазынасына қол сұғу – елге жасалған ауыр қастандық

Саясат Бүгін 16:00 16
Президент: Мемлекет қазынасына қол сұғу – елге жасалған ауыр қастандық
Ақорда

Қазақстан Президенті Қасым-Жомарт Тоқаев ел Тәуелсіздігінің 35 жылдығы қарсаңында еліміздің осы кезеңдегі жетістіктеріне тоқталып, алдағы уақытта да елді дамыту жолындағы жұмыстардың жалғасатынын айтты.

Тәуелсіздік жылдарындағы жетістіктер

Президент Конституцияда бекітілген «Заң мен Тәртіп» қағидатының маңызын атап өтіп, сыбайлас жемқорлыққа қарсы күрес пен мемлекеттік қызметшілердің жауапкершілігіне қатысты пікір білдірді, – деп хабарлайды aqshamnews.kz тілшісі.

Қасым-Жомарт Тоқаевтың айтуынша, Тәуелсіздік жылдарында Қазақстан талай сынақтан өтіп, мемлекеттілігін нығайтты және халықаралық беделін арттырды. Бұған берекелі бірлік пен ортақ мақсат жолындағы табанды еңбектің арқасында қол жеткізілді.

– Біз Қазақстанды бәсекеге қабілетті озық ел ретінде дамыту үшін әлі де белсенді әрі табанды жұмыс істей береміз. Әрине, осы кезге дейін бәріміз жұрт болып жұмылып, біраз шаруа атқардық. Өскелең ұрпақ алдындағы жауапкершілікті терең сезіне отырып, ауқымды реформаларды жүзеге асырдық, – деді Мемлекет басшысы.

Конституцияның маңызы

Президент наурыз айында өткен жалпыұлттық референдумда қабылданған Конституцияны ел тарихындағы маңызды шешімдердің бірі ретінде атады. Оның сөзінше, Ата заңда Егемендік пен Тәуелсіздікті қорғау, жалпыұлттық бірлікті нығайту мемлекеттің негізгі қағидаттары ретінде бекітілген. Сондай-ақ адам капиталын, білім мен ғылымды, инновацияны дамыту конституциялық мәні бар стратегиялық міндет деп танылған.

Мемлекет басшысы Конституцияда «Заң мен Тәртіп» қағидаты халқымыздың маңызды құндылығы ретінде айқындалғанын атап өтті.

– «Заң мен Тәртіп» – мен үшін Әділетті Қазақстанды құру жолындағы басты ұстаным. Түптеп келгенде, ауқымды саяси және әлеуметтік-экономикалық өзгерістер дәл осы қағидатқа негізделеді. Өйткені заң үстемдік етпесе, қоғамда тәртіп болмаса, ешқандай реформаның нәтиже бермесі айдан анық, – деді Қасым-Жомарт Тоқаев.

Сыбайлас жемқорлыққа қарсы күрес

Президент осы қағидатты басшылыққа ала отырып, қоғамдағы келеңсіз құбылыстарға, соның ішінде сыбайлас жемқорлыққа қарсы батыл күрес жүргізілетінін айтты. Сондай-ақ лауазымды тұлғалардың заң талаптарын сақтауына және мемлекет мүддесіне адал қызмет етуіне қатысты ұстанымын жеткізді.

– Мемлекет қазынасына ауыз салу, Конституцияның талаптарын аяққа таптау – елге жасалған ең ауыр қастандық, – деді Мемлекет басшысы.

Оның айтуынша, жоғары награда, білім немесе мол тәжірибе заңға қайшы әрекетке жол берген адамды жауапкершіліктен босатпайды. Мемлекеттік қызметшінің жұмысы бұрынғы жетістігіне қарап емес, бүгінгі нақты нәтижесі мен міндетіне жауапкершілікпен қарауына қарай бағалануға тиіс.

Қасым-Жомарт Тоқаев «Заң мен Тәртіп» қағидаты қоғамдағы орны мен атақ-абыройына қарамастан барлық азаматқа бірдей қолданылатынын еске салды. Президент барлық деңгейдегі басшылар конституциялық құндылықтарды терең түсініп, оны күнделікті қызметінде ұстануы керегін атап өтті.

Оқи отырыңыз: Отандық азық-түлік өндірушілерінің мемлекеттік сатып алуға қатысу мүмкіндігі кеңейеді

Дереккөз

Телеграм арнаға жазылыңыз
#Тоқаев #Қазақстан #Сыбайлас жемқорлық
Бөлісу:
Жүктелуде...

Соңғы жаңалықтар

Алматыға ЮНИСЕФ-тің өңірлік директорының орынбасары келді

Бүгін 16:29

Қазақстанда биыл 24,5 млн тонна астық жиналды – Президент

Бүгін 16:21

Тоқаев: Азаматтардың тұрмыс сапасы шенеуніктердің көңіл күйіне тәуелді болмауы керек

Бүгін 16:15

«Халықтық құрылыс» бағдарламасы бойынша арнайы комиссия жұмысын бастайды

Бүгін 16:15

Алматының барлық сегіз ауданында 19 ашық мұз айдыны ашылады

Бүгін 16:10
Telegram
Жазылыңыз
AqshamNews.kz - "Алматы-ақшамы" қоғамдық-саяси газеті

"Alatau Aqparat" медиахолдингі

Сілтемелер

  • Біз туралы
  • Байланыс
  • Жарнама
  • Жазылу
  • Газет архиві

Байланыс

  • Республика Казахстан. 050022, г. Алматы, Адрес: ул. Шевченко, 106 а
  • +77272930803
Copyright 2026, "Alatau Aqparat" медиахолдингі
Яндекс.Метрика
// SMI24 виджет setTimeout(function() { if (typeof Smi24 !== 'undefined') { Smi24.init('[data-smi-widget-id="130"]'); } }, 1500);