Сенегалда жойылып бара жатқан теңіз тасбақаларына пандемияның «пайдасы» тиді деп хабарлайды almaty-akshamy.kz
Жергілікті экологтар осылай деп отыр. Өйткені кейінгі бір жылда бауырымен жорғалаушылардың саны артқан. Мамандардың түсіндіруінше, бұған коронавирусқа қатысты шектеулерге байланысты жағажайда туристердің азаюы себеп болған.
Айта кеткен жөн, кейінгі жылдары Сенегалда теңіз тасбақаларының саны күрт азайып кеткен. Бұл негізінен балық аулау, туризм және құрылыс жұмыстарының қарқынды жүргізілуіне байланысты.
– Шекаралар жабық болды. Соның салдарынан қонақ үй мен жағажайда демалушылар азайды. Сондықтан тасбақалар көптеп су жағасына жұмыртқа сала бастады. Біз бұл жағдайды өткен жылдан бері байқап отырмыз - дейді теңіз қорығының өкілі Салиу Мбоджи.