Конституцияның тағдыры жалпыхалықтық референдумда шешілмек.
Қазақстанға көрші Өзбекстанда елдің Конституциясына өзгерістер енгізу туралы заң жобасы референдумға шығарылады. Құжат «Халық сөзі» газетінде жарияланды, деп хабарлайды Almaty-akshamy.kz Inbusiness.kz сілтеме жасап.
Қазіргі Өзбекстан Конституциясының 90-бабына сәйкес, Президенттің өкілеттілігі - 5 жыл. Әрі 1 адам 2 реттен артық бұл лауазымға сайлана алмайды.
Референдумда талқыға ұсынылған заң жобасы қабылданса, Президенттің мерзімі 7 жылға дейін ұзартылады.
Сондай-ақ Өзбекстанның ата заңында өлім жазасына тыйым салынғаны да жазылмақ. Бұл өзгерістер мен толықтыруларды, өзбекстандықтар шілденің 4-не дейін талқылайды, кейін жаңа Конституцияның тағдыры жалпыхалықтық референдумда шешілмек.