Сайлау барысында өте жоғары саяси белсенділік байқалды, деп хабарлайды Almaty-akshamy.kz.
9 шілдеде Өзбекстанда президент сайлауы өтті. Дауыс беру сағат 8:00-де басталып, кешкі 20:00-ге дейін жалғасты.
Өзбекстан ОСК мәліметі бойынша, сағат 17:00-ге дейін дауыс беруге 69,85 пайыз азаматтар қатысқан (тізімде тіркелген 19,2 миллион сайлаушының 13,4 миллионы дауыс берді). Сайлаушылардың ең көп қатысуы Джизах облысында (75,68%), ең азы – Ташкентте (63,36%) тіркелген.
Сайлауға ондаған мемлекеттер мен халықаралық ұйымдар атынан 800-ге жуық байқаушы, сондай-ақ 1500-ге жуық жергілікті және шетелдік журналистер аккредиттелген.
Елдің ОСК алдын ала қорытындыларды 10 шілдеде жариялауға уәде беріп отыр.
Президенттікке төрт үміткер таласуда: қазіргі президент Шавкат Мирзиеев, Халықтық-демократиялық партиядан кандидат, бұрынғы білім министрі Ұлықбек Иноятов, Экологиялық партиядан - Абдушүкүр Хамзаев, «Адолат» социал-демократиялық партиясынан Жоғарғы сот төрағасының орынбасары Робахон Махмудова қатысады.