Жол қозғалысы қауіпсіздігін қамтамасыз ету шеңберінде өткен тәулікте Алматы қаласының аумағында Жол жүрісі қағидаларының 1 699 бұзушылығы анықталды, – деп хабарлайды aqshamnews.kz тілшісі.
Оның ішінде жол қозғалысына қатысушылардың өмірі мен денсаулығына жоғары қауіп төндіретін 230 өрескел бұзушылық бар.
Анықталған құқық бұзушылықтардың ішінде:
* көлік құралын масаң күйде басқару – 13 факті;
* көлік құралын басқару құқығынан айырылған адамның көлік құралын басқаруы – 1 факті;
* жалған мемлекеттік тіркеу нөмірлік белгілерімен көлік құралын басқару – 2 факті;
* маневр жасау қағидаларын, оның ішінде қауіпті маневр жасауды («шашка») бұзу – 103 факт;
* қауіпсіздік белдігін тақпау – 71 факт;
* қарсы қозғалыс жолағына шығу – 9 факт;
* көлік құралын басқару кезінде ұялы телефонды пайдалану – 31 факт.
Сонымен қатар, 20 көлік құралы арнайы тұраққа қойылды.
Бұдан бөлек, қала прокуратурасы жүргізушісі жыл басынан бері 2,4 млн теңгеден астам сомаға Жол жүрісі қағидаларын 66 рет өрескел бұзған BMW маркалы көлік құралын анықтады. Оның ішінде 58 құқық бұзушылық жылдамдық режимін бұзуға қатысты.
Жүргізушіге қатысты әкімшілік хаттамалар толтырылып, салынған айыппұлдар сол жерде төленді.