Өсек айту – эмоцияны сыртқа шығарудың жолы.
Бұл туралы aqshamnews.kz El.kz ақпаратына сүйене отырып хабарлайды.
Психолог Елизавета Куликованың айтуынша, сөйлесу – адамның эмоционалды серпіліс алуына ықпал ететін құрал болса, өсек – адамдарды мазалайтын тақырыптар арқылы эмоциялық байланыс орнатудың тәсілі.
Маман өсек айту үдерісінің өзі қызғаныш, қорқыныш немесе басқа да сезімдерді шығарып, адамның ішкі жай-күйін жеңілдететінін айтады. Зерттеулер тіпті мазалаған тақырыпта сөйлесу адамның жүрек соғу жиілігін төмендетіп, оны тыныштандыратынын көрсеткен.
Сондықтан да өсек айту белгілі бір деңгейде күйзелісті азайтуға сеп болады. Дегенмен, Куликова өсек пен адамның өзін-өзі бағалауы арасында тікелей байланыс жоқ екенін атап өтті. Оның сөзінше, өсекке бейім болудың себептері әртүрлі болуы мүмкін: біреулер жаңалық айтып рахат алғысы келеді, енді біреулер нақты біреуге зиян тигізуді көздеуі мүмкін.
Алайда өсек – көбінесе расталмаған немесе құпия ақпараттың таралуы. Бұл өз кезегінде салдары ауыр жағдайларға әкелуі мүмкін. Эмоцияға берілмей, мұндай сөздің біреуге зияны тиюі мүмкін екенін ұмытпау қажет.
Қорытындылай келе, өсекті ішкі эмоцияны шығаратын құрал деп қарауға болады, бірақ оның шекарасын біліп, абай болу керек.