Түркия Президенті Реджеп Тайып Ердоған орман өрттерінен зардап шеккен ел өңірлерін апат аймақтары деп жариялады, деп хабарлайды almaty-akshamy.kz
Мұнда тілсіз жаудың бой бермей тұрғанына бірнеше күн болды. Десе де, өршеленген 98 өрт ошағының 88-інде қауіп сейілді.
Қазір 5 провинцияда орман өртеніп жатыр. Олардың арасында туристік орталықтар да бар. Соңғы мәлімет бойынша, өрттен 6 адам опат болған. Олардың арасында шетелдіктер жоқ. Тағы 200-ге жуық адам жапа шекті. Билік оларға өтемақы төленетінін мәлімдеді. Бұл мақсатқа 3 жарым миллион доллар бөлінген.