«Алматы – біздің ортақ үйіміз» науқаны аясында Наурызбай ауданының «Қалқаман-2» ықшам ауданында оқушылар қария кісілерге қол ұшын беруге келді.
Галина ШАПОВАЛОВА,
зейнеткер:
42 жыл ұстаздық қызмет атқардым. Қазір жасым - 85-те. Міне, бүгін №174 мектеп-гимназиясының оқушылары келіп, көмектесіп жатыр. Қала әкімдігіне, мектеп ұжымына алғысымды айтамын.
Гүлзира СЕЙІТЖАПАРОВА,
№174 мектеп-гимназиясының мұғалімі:
-Зейнеткерге көмектесу үшін 10-сынып оқушыларымен бірге келдік. “Алматы - біздің ортақ үйіміз” науқаны аясында мектебімізде еріктілер клубы мен оқушылардың ұйымдастыруымен ардагерлердің үйіне барып, көмек береміз. Қазір 11 оқушы бақшадағы арам шөптерді жұлып, ауланы тазалап жүр.