Қолданыстағы әскери қоймалар мен оқ-дәрі базаларының қауіпсіздігін күшейту үшін қосымша шаралар қабылданады.
ҚР Қорғаныс министрінің орынбасары Руслан Шпекбаевтың айтуынша, Жамбыл облысының Байзақ ауданындағы жарылыс қайталанбау үшін елдегі барлық оқ-дәрі қоймаларын арнайы комиссия тексереді, деп хабарлайды Almaty-akshamy.kz «ҚазАқпарат» ақпарат агенттігіне сілтеме жасап.
«Жамбыл облысы Байзақ ауданында болған оқиғадан кейін Қазақстан Қарулы Күштеріндегі оқ-дәрілердің барлық қоймаларын Қорғаныс министрлігі Бас инспекциясының бастығы генерал-лейтенант Әмір Халықов басшылық ететін комиссия тексереді», - деді министрдің орынбасары.