Қазақстандық арахнологтар Қызылқұм шөліндегі Карамола тауында екі белгісіз өрмекші түрін тапты. Бұл туралы ҚР Зоология институты Институттың ресми парақшасында мәлімдеді, деп хабарлайды aqshamnews.kz
Экспедиция өткен жылдың көктемі мен күзінде Қызылқұм шөлінің қазақстандық бөлігінде жүргізіліп, Карамола тауындағы өрмекшілерді зерттеу мақсат етілген.
Зерттеу нәтижесінде:
- Институт мамандары жалпы 54 өрмекші түрін анықтады.
- Олардың 27 түрі Қызылқұм шөлінде алғаш рет тіркелсе, 10 түрі Қазақстан аумағында бұрын белгісіз болған.
Зерттелген жаңа түрлер Anagraphis karamola және Drassodes babenkoi атауын алды. Екеуі де Gnaphosidae, яғни жердегі аңшы өрмекшілер тобына жатады.