Оңтүстік Кореяда болған бірнеше ірі орман өртінен кем дегенде төрт адам қаза тапты, ал тағы алтауы жарақат алған, деп хабарлайды aqshamnews.kz
Өрт жұма күні Сончхон ауданының аумағында басталған, ол Сеулден оңтүстік-шығысқа қарай 250 шақырымда орналасқан. Қатты желдің әсерінен от тез таралып, көрші аудандарды да қамтыды. «Рёнхап» агенттігінің мәліметінше, қазірдің өзінде 3000 гектардан астам жер өртеніп кеткен.
Ең көп зардап шеккен Ыйсон ауданы болды, онда 1000 гектардан астам орман өртенді. Осы ауданның аумағында Силла династиясына тиесілі көне Унрамса ғибадатханасы да өртенді. Алты ғимаратты жалын құшты. Әбүйір болғанда монахтар ғимарат ішіндегі құнды артефактілерді шығарып үлгерген.
Табиғи апаттармен күрес жөніндегі орталық штабтың мәліметіне сәйкес, төрт адам қаза тауып, тағы алты адам ауруханаға түскен, олардың бесеуі ауыр жарақат алған. 1500-ден астам адам уақытша баспаналарға эвакуацияланды. «Рёнхап» мәліметінше, өрт сөндірушілер елдің оңтүстік-шығысындағы төрт ауданда өртті сөндіру жұмыстарын жалғастырып жатыр.