Әбілхан Қастеев атындағы ҚР Мемлекеттік өнер музейі Truffle Bee брендінен Säule Арт-инсталяциясы: ұлттық оюлар арқылы ұрпақ арасындағы байланысты зерттеу көрмесін ұсынып отыр.
Säule («сәуле», «жарық») – топтамасы еліміздің бірегей мәдени мұрасының үніне құлақ түріле отырып жасалған. Truffle Bee брендінің алғашқы ұлттық топтамасы – бұл дәстүрімізді визуалды зерттеу, терең тарихы бар ою-өрнектеріміз бүгінгі күн мен өткен, келер шақты байланыстыра, жаңа кейпіне енуінің интерпретациясы. Truffle Bee өз топтамасына айрықша өрнектерді іздестіру барысында ата-бабаларымыздан мұра болып қалған қазақтың дәстүрлі орнаменттерін зерттеген болатын.
Еліміздің дәстүрлі ою-өрнектерін зерттеуде Ерлан Кариннің еңбектеріндегі жеті жүзден астам дәстүрлі кескіндер, Түркістандағы Қожа Ахмет Яссауи кесенесіндегі оюлар, сондай-ақ Әбілхан Қастеев атындағы өнер музейі музейінің тарихи мұрағаттары зерделенді. Осылайша бренд «Qoshqar muiiz» өрнегін таңдады. Қазақ оюларының алғашқы элементі болып есептелетін өрнек, бүгінде Säule топтамасының барлық бұйымдарын – тері плейсмат, костер мен текстиль дастарханды безендіреді.
Топтаманы таныстыру үшін Ә.Қастеев музейі таңдалған. Музейдегі жәдігердің қандай болуын шешуде бренд «Жеті ата» дәстүріне жүгінді. Қазақ мәдениетінде жеті атасын білу әр адамның бабалар даналығымен тығыз тілдесуіне тең. Бұл біздің өмір салтымызды құру мен рухани дамуымыздың негізі. Бүгін бренд «Жеті ата» дәстүрін ағаштың символикалық тұрғысынан қарастыруда. Тарихқа толы жерімізге тамырын терең жіберген ағаш – бұл бүгінгі күн мен өткен, келер шақтың байланысы.
Truffle Bee ұсынған Säule көрмесі өнер музейіндегі сәндік-қолданбалы өнер залында 30 наурызға дейін жалғасады.