Алматы қаласы полиция департаментінде алғашқы офицерлік шендерді табыстаудың салтанатты рәсімі өтті, - деп хабарлайды Aqshamnews.kz.
Бұл күн жеке құрам үшін айрықша маңызға ие болып, қызметке деген сенімнің, жауапкершіліктің және заң мен қоғамға адал қызмет етудің жаңа кезеңінің басталуын айқындады. Салтанатты сапта жас полицейлермен қатар, иығында көпжылдық қызметтің тәжірибесі бар білікті қызметкерлер де тұрды. Аталған рәсім буындар сабақтастығының жарқын көрінісіне айналып, полиция қызметіне тән дәстүрлер мен құндылықтардың, кәсіби бағдарлардың аға буыннан жас офицерлерге берілетінін айқын көрсетті.
Іс-шараға Алматы қаласы полиция департаментінің бастығы Айдын Кабдулдиновтың тілегі ерекше мазмұн мен рухани серпін сыйлады. Ол өз сөзінде полиция офицері мамандығының маңызына тоқталып, азаматтар мен мемлекет алдындағы жоғары жауапкершілікті атап өтті.
– Алғашқы офицерлік шен – бұл тек қызметтік киімнің бір бөлігі емес. Ол – сенімнің, кемелдіктің және жауапкершілікті мойынға алуға дайындықтың белгісі. Сіздер полицияның қалыптасқан дәстүрін жалғастырып, күнделікті еңбектеріңізбен оның болашағын қалыптастырасыздар. Антқа адал болып, кәсіби тұрғыда өсе берулеріңізге және азаматтардың құрметіне ие болуларыңызға тілектеспін, – деді Айдын Кабдулдинов.
Салтанатты рәсім әрбір қатысушы үшін тек маңызды қызметтік оқиға ғана емес, өмір бойы есте қалатын тарихи тағылымды сәтке айналды.