Бүгін ел спортында маңызды күндердің бірі
Париж Олимпиадасына дейін әлем чемпионатын екі рет ұтқан Назым Қызайбай бүгін жартылай финалда 2023 жылғы әлем чемпионы, АО-2023 чемпионы, қытайлы Ву Юмен (52 кг) кездеседі. Aqshamnews.kz cайты намысты қолдан бермеу үшін барын салатын Назым Қызайбай туралы бірер қызықты деректерді беруді жөн көрдік.
Назым Қызайбай жайлы қызықты деректер:
Туған күні: 14 қыркүйек, 1993 жылы
Туған жері: Алматы облысы, Жетіген ауылы
Отбасы: алты ағайынды, үйіндегі үшінші бала.
- Назым дүниеге келерде әкесі ұл бала күткен екен. Содан Назым туған кезде әкесі ұл болмады деп, үш күн бойы үн қатпай, ренжіп жүрген көрінеді. Бала кезінен Назым ұлдармен алысып ойнап, әпкелері мен кішкентай інісіне біреу тиіссе, солар үшін төбелесуден тайынбаған екен. Көбіне ұлдармен төбелесуге тура келсе керек. Содан болар, ата-анасы қалағандай Назым ұл болмаса да, жастайынан спортқа жақын болып өскен.
Спорттағы мансабы 2012 жылы Әлем чемпионатының қоласын алғаннан кейін басталды
Назым Қызайбай қазақ әйелдері арасындағы тұңғыш бокс чемпионы (2014 жылы)
Бокстан бөлек, сурет салумен әуестенеді, футбол ойнайды.
Париж Олимпиадасы – Назым Қызайбай оған қатысу жолында барынша тер төккен, 4 жылда бір айналып келетін алғашқы байрақты бәсеке.