Ресейде алаяқтар сымсыз құлаққаптар арқылы жұртты тыңдап, ақшаларын ұрлап жатыр. Бұл алаяқтық әзірше Қазақстанда тіркелген жоқ, деп хабарлайды aqshamnews.kz
Банкста телеграм-каналында хабарланғандай, алаяқтар сымсыз гарнитуралардың жұмысын пайдаланып, басқа адамның телефонындағы микрофонды қашықтан қосып тыңдайтын көрінеді. Сонымен қатар, олар телефонға зиянды код енгізу мүмкіндігін де пайдаланып үлгерген.
Осылайша, алаяқтар телефондағы жеке деректерге, файлдарға, sms-хабарламаларына, байланыс деректеріне, банк қосымшаларына, логиндер мен парольдерге қол жеткізе алады.
Қалай қорғануға болады? Сарапшылар Bluetooth 5.0 немесе одан жоғары нұсқадағы құлаққаптарды қолдануға кеңес береді. Сонымен қатар, қажет болмаған кезде телефоннан Bluetooth-ды өшіріп қойған абзал.