Қоғамдық кеңістікті дамыту туралы Алматы қаласы Наурызбай ауданы әкімінің Өңірлік коммуникациялар қызметінің брифингінде Санжар Тоғай айтып берді, деп хабарлайды Аlmaty-akshamy.kz.
Спикердің айтуынша, аудандағы қоғамдық кеңістіктердің саны маңызды болып қала береді. Сондықтан осы жылдың көктемінде «Әлем парк» отбасылық паркінің құрылысы басталды. 2023 жылы "Шұғыла" және "Ақжар" шағынаудандарында екі дене шынықтыру-сауықтыру кешенінің құрылысын бастау жоспарлануда.
"Шұғыла" шағынауданында Сәбденов көшесіндегі 15 гектар жер учаскесінде келесі жылы мектеп, балабақша, 500 келушіге арналған емхана, 100 келушіге арналған дене шынықтыру-сауықтыру кешені, теннис орталығы мен өрт сөндіру депосының құрылысы жоспарлануда», - деді Санжар Тоғай.
Ағымдағы жылы "Ақжар" және "Қалқаман" шағынаудандарында екі парктің құрылысы, балалардың ойын және спорт алаңдарын орнатуды, абаттандыру элементтерін, сыртқы жарықтандыруды, үш жаяу - серуендеу аймағын абаттандыруды көздейтін 4 жеке учаскені абаттандыру жүргізілуде.
Өткен жылы Наурызбай ауданында 30 қоғамдық кеңістік құрылды, оның ішінде 16 балалар ойын және 12 спорт, 3 скейт, 3 баскетбол және екі футбол алаңы салынды, екі жаяу серуендеу аймағы жайластырылды.