Наурыз мейрамы күндері Алматыда қалалық алаңдарда танымал өнерпаздармен қатар шығармашыл жастар да өнер көрсетті, - деп хабарлайды aqshamnews.kz
Абай алаңы мен «Астана» алаңындағы сахнада мектеп оқушылары, студенттер, мәдениет үйлерінің ұжымдары және жас орындаушылар өз өнерін ұсынды. Көпшілігі үшін бұл үлкен сахнаға басылған алғашқы қадам болды.
Бағдарламада вокалдық, аспаптық және хореографиялық нөмірлер қамтылды. Әсіресе Алматы қалалық Оқушылар сарайының «Наурыз-думан» концерттік бағдарламасы ерекше орын алды. Онда жас өнерпаздар мен педагогтар өнер көрсетті.
«Астана» алаңында Сая Махамбет, Айдар Әбдірахманов, Дастан Тұрдәлі, Әмина Әбділбекова, Майдан Аймауыт және Ханшайым Пішан сынды жас орындаушылар сахнаға шықты. Жігер Сатханов пен Жанат Рақыметованың дуэті «Алматым менің» және «Ханзада мен Ханшайым» әндерін орындады.
«Қазақ ұлы» және «J voice teen» ұжымдары дәстүрлі және заманауи музыканың құрылымдарын үйлестірген нөмірлер ұсынды. «Парасат» этно-ансамблі ұлттық аспаптарда шығармалар орындады.
Концерттік бағдарламаға қаланың жоғары оқу орындарының студенттері де қатысты. Сахнада Құрманғазы атындағы Қазақ ұлттық консерваториясының өкілдері, оның ішінде «Кәусар» жетігеншілер ансамблі, «Сарын» фольклорлық ансамблі және AURORA вокалдық-аспаптық квинтеті өнер көрсетті.
Өзге университеттердің шығармашылық ұжымдары да қатысып, өнерін ұсынды: Абай атындағы ҚазҰПУ-дың «A-Blues band» тобы, ҚБТУ-дың «Тұмар оркестрі», Сәтбаев атындағы ҚазҰТЗУ-дың «MeirBAND» ансамблі, сондай-ақ «Томирис» және «Зере би ансамблі» би ұжымдары.
Сондай-ақ концерттерге аудандық комьюнити орталықтардың өкілдері де қатысты. Алмалы ауданындағы «Жас Толқын» орталығының тәрбиеленушісі Эльвира Мамытова «Қазақстаным» әнін, Серік Мәдина «Желкілдек» әнін орындады. Медеу ауданынан Айнат Нұрмағамбетов «Сағындым Алматымды» композициясын орындаса, Әуезов ауданынан Қуантқан Фарида толғау орындады.