Қайғылы оқиға Қызыл теңіз жағалауында орналасқан Марса-Алам қаласының жағажайында орын алды. ANSA басылымының мәліметіне сүйенсек, шабуылға ұшыраған туристер Италия азаматтары болған, деп хабарлайды aqshamnews.kz
Қаза тапқан Джанлука Ди Джоя 48 жаста еді. Ал жарақат алған 69 жастағы Пеппино Фаппани акуланы қуып жібермек болып суға секірген. Оның қолы мен аяғынан жарақат алғаны белгілі болды. Алайда Corriere басылымы бұл жарақаттардың ауыр емес екенін және ер адамның жақында ауруханадан шығатынын жазды.
Жәбірленушінің әйелі олардың бетмаскамен су астын көрумен (шнорклинг) жүзуге рұқсат етілген жерде жүргенін айтады. Алайда Мысыр билігі акуланың туристерге рұқсат етілмеген аумақта шабуыл жасағанын мәлімдеді.
Бүгін, 30 желтоқсан күні, жағажай екі күнге жабылады. Оқиғаның мән-жайын анықтау үшін жергілікті билік арнайы комиссия құрды.