Бұдан бұрын Мырзағали Айтжановтың орнына бас бапкер болып Қайрат Сәтжановтың келгенін хабарлағанбыз.
Қазақстан бокс федерациясы Ұлттық құраманың бас бапкері ретінде көптеген жарыстарда жүлде салған Еңбек сіңірген жаттықтырушы Мырзағали Айтжановқа шапан жауып, құрметпен шығарып салды, деп хабарлайды aqshamnews.kz
«Мырзағали Құланұлының Қазақстан боксына сіңген еңбегі зор. Бүгінгі күнге дейін былғары қолғап шеберлерін дайындауда төккен маңдай терді бағалаймыз және сізге алғыс айтамыз», - деді іс-шарада Қазақстан бокс федерациясының президенті Шахмұрат Мүтәліп.
Бұған дейін Париж Олимпиадасының қорытындысы бойынша кеңес өткізілді. Бокстан ерлер командасының бапкерлік құрамы толығымен жұмыстан шеттетілген еді. Қазақстан бокс федерациясының шешімін ҚР дене шынықтыру және спорт істері бойынша комитеті мақұлданған.