Медицина қызметкері күніне орай № 2 қалалық перинаталдық орталықтың көрнекті дәрігері анестезиолог-реаниматолог Достарбаев Бағдат Жаханұлы туралы айтқым келеді.
Оның кәсіби шеберлігі, берілгендігі және пациенттеріне деген терең қамқорлығы оны медицина қауымдастығында үлгі етеді.
Бағдат Жаханұлының жалпы еңбек өтілі 13 жыл. Алғашында хирург болуды армандаған ол бір күні анестезиологтың жұмысын тәжірибеде көріп, содан бері өзін осы мамандыққа арнауды ұйғарған. Оны анестезияны енгізу, ауыр науқастармен жұмыс істеу және олардың жағдайын тұрақтандыру мүмкіндігі қызықтырады. Анестезиолог-реаниматологтың жұмысы терең білімді ғана емес, сонымен қатар үлкен төзімділікті қажет етеді, әсіресе перзентханада бірден екі науқасқа – ана мен балаға жауапты.
Бағдат Жаханұлының айтуынша, акушердегі жұмыс жалпы реанимациядан мүлдем бөлек, бұл салаға ауысуды кез келген анестезиолог шеше бермейді. Дегенмен, Бағдат Жаханұлы бұл міндетті асқан шеберлікпен, жауапкершілікпен атқарып келеді.
2011 жылы Бағдат Жаханұлы Қазақстан-Ресей медициналық университетін, одан кейін үш жылдық ординатураны тәмамдаған. Перзентханада жұмыс істеген уақытында ол өте қиын істермен айналысты.
«Бізге ауыр халде келетін әйелдер бар. Мысалы, бір науқас біздің реанимация бөлімінде 12 күн жатып, оның жағдайын қалыпқа келтірдік.
Сондай-ақ, преэклампсия, көп қан жоғалту және церебральды ісіну салдарынан комаға түскен босанатын тағы екі әйелдің жағдайларында сәтті нәтижелерге қол жеткізілді.
Анестезиолог-реаниматологтың жұмысы күрделі де жауапты, бірақ Бағдат Жаханұлы оны абыроймен атқарып келеді. Оның адамдарға көмектесуге деген құштарлығы, кәсіби шеберлігі мен адамдық жылулығы оны № 2 қалалық перинаталдық орталық ұжымының маңызды мүшесі етеді.
Достарбаев Бағдат Жаханұлын Медицина қызметкері күнімен құттықтап, еңбекте табыс, зор денсаулық және бақыт тілейміз. Пациенттеріңіздің және олардың жақындарының ризашылықпен күлкілері сіздің адал жұмысыңыз үшін ең жақсы марапатыңыз болсын.