Сидней олимпиадасында бокса аса ауыр салмақта күміс жүлдегер атанған Мұхтархан Ділдәбеков еліміздің бокс федерациясында лауазымды қызметке кірісті.
Белгілі боксшы бұдан былай федерацияда бапкерлер штабымен жұмыс жөніндегі вице-президент қызметін атқарады, деп хабарлайды аlmaty-akshamy.kz.
Ол бокстан аса ауыр салмақта Олимпиада ойындарының (2000) және әлем чемпионатының (1999) күміс жүлдегері, Азия Ойындарының жеңімпазы, екі мәрте күміс жүлдегері. Сондай-ақ, Азия чемпионатының күміс және қола медаль иегері.
Бұған дейін Қазақстан бокс федерациясының президенті Кеңес Рақышев орнынан кетіп, Шахмұрат Мүтәліп сайланған болатын.