Мұғалімге гүл сыйлауға болады ма? Бұл жайында кейінгі кездері үлкен талқыға салынып, қоғам екіге жарылды. Бірі болады десе, енді бірі болмайтынын айтып ашынады. Билік тарапынан да пікірлер айтылды.
Міне апта соңында ұстаздар күні аталып өтеді. Осынау күнге ата-аналардың бір парасы қызу кірісіп кетті. Осы орайда арнайы тиісті министрлік өкілдері өз ойларымен бөлісті.
"Гүл сыйлау, жақсы лебіз білдіру – біздің мұғалімдерімізге білдіретін алғыс сезіміміздің белгісі. Мұндай ықылас ұстаз еңбегінің маңыздылығын көрсетіп қана қоймай, ұрпақтар арасындағы сыйластық қарым-қатынасты нығайта түседі. Айта кету керек, ұстазға құрмет көрсету ұрпақтар арасында сақталып келе жатқан дәстүр", – дейді Оқу-ағарту министрлігінің өкілі Мереке Амангелдіқызы.