Құжатқа сәйкес, микрокредит бойынша сыйақы мөлшерлемесі көрсетілген жарнамаларда жылдық тиімді сыйақы мөлшерлемесі міндетті түрде сандық түрде жазылуы тиіс, деп хабарлайды aqshamnews.kz
Бұл көрсеткіш жарнамадағы өзге ақпаратқа қарағанда ұсақ қаріппен жазылмауы керек.
Микроқаржы ұйымдарының клиенттермен жұмыс істеу ережесі мынадай тармақтарды қамтиды:
клиенттердің құқықтары мен мүдделерін қорғау саясаты;
микрокредитке өтінішті қарау рәсімі мен мерзімі;
микрокредит беру барысында клиентпен өзара іс-қимыл тәртібі;
мүгедектігі бар және қозғалысы шектеулі адамдарға қызмет көрсету талаптары (2026 жылғы 2 шілдеден бастап);
мұндай азаматтарға сенімді тұлға қатысуымен қызмет көрсетудің ерекшеліктері (2026 жылғы 2 шілдеден бастап).
Сонымен қатар, құжатта микроқаржылық қызмет бойынша дау туындаған жағдайда клиентке оның микроқаржы ұйымына, микроқаржы омбудсменіне немесе сотқа жүгіну құқығы бар екені ескертілуі тиіс екендігі көрсетілген. Бұл ретте клиентке ұйымның мекенжайы, электрондық поштасы және интернет-ресурсы туралы мәлімет беріледі.
Аталған бұйрық 2026 жылғы 2 шілдеден бастап күшіне енеді.