Аргентиналық футболшы бұдан кейін Америка кубогына қатыспайды. Ол үшін Колумбияға қарсы ойын соңғы финал болмақ, деп хабарлайды аlmaty-akshamy.kz.
Шынын айтсам, бұл Америка кубогы оңай болып жатқан жоқ, командалар терезесі тең өнер көрсетіп жатыр. Алаңдардың сапасы нашар және күн ыстық. Мен үшін бұл соңғы Америка кубогы жарысы. Ди Мария және Отаменди бәріміз соңғы әлем чемпионатында ойнадық, енді соңғы Америка кубогына қатысып, әр сәттен ләззәт алудамыз, - деді Месси Mundo Deportivo-ға берген сұхбатында.
Айта кетейік, Аргентина құрамасы биылғы Америка кубогының финалына шықты. Шешуші әрі Мессидің соңғы финалында Колумбияға қарсы ойын өткізеді. Финал 15 шілде күні Қазақстан уақытымен таңғы сағат 05:00-де басталады.