Қазақстан мұсылмандары діни басқармасының 35 жылдық мерейтойына орай мүфтият орталық аппарат қызметкерлері мен облыстардың Бас имамдарынан құралған командалар арасында футболдан турнир ұйымдастырылды, - деп хабарлайды Aqshamnews.kz.
Мүфтияттың хабарлауынша, спорттық шара діни қызметкерлер арасында салауатты өмір салтын насихаттауға және өзара ынтымақтастықты арттыруға бағытталды.
Турнирге барлығы 6 команда қатысып, тартысты кездесулер өткізді. Іріктеу кезеңдерінде үздік нәтиже көрсеткен командалар финалдық кезеңге жолдама алып, жүлделі орындар үшін өзара бақ сынасты.
Жарыс қорытындысы бойынша бірінші орынды «Есіл» командасы, екінші орынды «Тарбағатай» командасы, ал үшінші орынды «Жайық» командасы иеленді.
Сонымен қатар турнир барысында ерекше көзге түскен ойыншылар жекелей номинациялар бойынша марапатталды. Атап айтқанда, «Үздік ойыншы» аталымы Махамбет Ескендір мен Елбек Тасболатұлына бұйырды. «Үздік шабуылшы» номинациясымен Естай Әбдіғали мен Нұрсұлтан Есполов марапатталды. «Үздік қақпашы» ретінде Нұрболат Сыдықов, ал «Үздік қорғаушы» аталымымен Ағабек Сыдықов танылды.
